Ræddi nýverið málefni flóttamanna útfrá sjónarhorni heimspeki og siðfræði á fundi norrænna framkvæmdastjóra félagslegs húsnæðis. Áhugaverðar pælingar komu fram eins og búast mátti við þegar áhugavert viðfangsefni er tekið til skoðunar.
Hér má sjá nokkrar af þeim glærum sem notaðar voru en ljósmyndirnar tók ég sjálfur. /JB
Heimspekinemar í 10. bekk við Réttarholtsskóla skoðuðu Almar og kassamálið heimspekilega í morgun. Almar var á skjánum og lagt var upp með spurninguna: Hvað er málið?
Ýmsar spurningar, sjónarhorn, túlkanir og pælingar komu upp. Hér koma nokkur dæmi úr tímanum:
Á vefritinu knuz.is birtist greinin Reiðilestur eða rökræður?… eða hvað vita heimspekingar um kynjamál?
Greinin má nálgast á eftirfarandi slóð:
Reiðilestur eða rökræður? … Eða hvað vita heimspekingar um kynjamál?
Smátt og smátt hefur útgáfa heimspekirita á íslensku fyrir nemendur og almenning verið að aukast. Frá hausti 2012 hefur Sísyfos heimspekismiðja átt þátt í útgáfu fjögurra heimspekibóka sem eru:
Eru allir öðruvísi? Fjölmenning og heimspeki.
68 æfingar í heimspeki. Námsgagnastofnun gaf út sem vefbók sem nálgast má á eftirfarandi slóð:
http://vefir.nams.is/flettibaekur/namsefni/68_aefingar/
Ef þú óskar þess að fá hest í afmælisgjöf og færð flóðhest, hefur þá óskin ræst? …. og fleiri heimspekilegar pælingar handa hverjum sem er.
Erum við öll jöfn? Kynjamál og heimspeki.
Á myndinni má einni sjá ritið Það er auðveldara að kljúfa atóm heldur en fordóma sem er hugsað sem námsefni um fjölmenningu handa efri bekkjum grunnskóla og framhaldsskólum og nálgast má á vef mannréttindaskrifstofu Reykjavíkur:
Click to access thad_er_audveldara_ad_kljufa_atom_heldur_en_fordoma.pdf
Bækurnar Eru allir öðruvísi? og Erum við öll jöfn? fást í bókaverslunum Eymundsson og Máli og menningu. Ef til vill eru örfá eintök eftir af bókinni Ef þú óskar þess að fá hest í afmælisgjöf og færð flóðhest…. til hjá Iðu í Lækjargötu og Vesturgötu.
Ýmislegt fleira er í vinnslu og væntanlegt á næstu árum í þessum flokki sem oft kallast hversdagsheimspeki / heimspeki handa almenningi (e. popular philosophy).
Til að fá nánari upplýsingar má senda póst á netfangið johannbjo@gmail.com.
Leikritið um Síðustu stundir Sókratesar var frumsýnt nýverið. Þetta er frábært framtak hjá Borgarleikhúsinu sem ber að fagna, ekki síst vegna þess að á Íslandi er heimspeki lítt þekkt grein. Heimspekin kemur ekki víða við sögu í skólum landsins og í opinberu lífi eru málin sjaldan tekin heimspekilegum tökum, þó oft sé fullþörf á því. Borgarleikhúsið hefur hér stigið mikilvægt skref í að kynna heimspekinginn Sókrates fyrir þjóðinni. Í leikskrá verksins geta áhugasamir svo lesið sér enn frekar til um þetta ólíkindatól sem Sókrates svo sannarlega var.
Verkið fær fínan dóm í Fréttablaðinu 3. október, en þar segir m.a.:
Sókrates er engu lík og leikhúsaðdáendur ættu ekki að láta þessa grátbroslegu trúðaóperu fram hjá sér fara.
Nú er bókin Erum við öll jöfn? Kynjamál og heimspeki komin í bókabúðir Eymundsson um land allt. Áður var hún komin í sölu í Bókabúð Máls og menningar við Laugaveg. Bókina má engu síður panta beint frá útgefanda með því að senda póst á netfangið johannbjo@gmail.com eða hringja í síma 8449211. Ef bókin er pöntuð beint frá útgefanda kostar hún kr. 2500-
Erum við öll jöfn? bók um kynjamál og heimspeki er nú fáanleg í Bókabúð Máls og menningar við Laugaveg. Bókin er á leið í fleiri bókaverslanir á næstu dögum. Hana má engu að síður panta beint frá útgefanda í síma 8449211 eða með því að senda póst á netfangið johannbjo@gmail.com.
Út var að koma bókin Erum við öll jöfn? Kynjamál og heimspeki. Í bókinni er fjallað um ýmsa þætti kynjamála með heimspekilegum hætti. Í bókinni má finna kveikjur að heimspekilegum samræðum um kynjamál handa fólki á öllum aldri, börnum, unglingum og fullorðnum. Einnig eru tillögur að notkunarmöguleikum. Höfundur texta er Jóhann Björnsson og um myndskreytingar sá Björn Jóhannsson. Bókin fæst í bókaverslunum Eymundsson og Máls og menningar, en hana má einnig panta með því að senda póst á netfangið johannbjo@gmail.com. Verð (ef pantað er): kr. 2500-
bókin er 47 bls. Útgefandi Sísyfos heimspekismiðja. Mögulegt er að fá kynningu frá höfundi á því hvernig nálgast megi kynjamálin með aðferðum heimspekinnar.
Breski heimspekingurinn Stephen Law verđur hér á landi í bođi Siđmenntar og flytur tvö erindi á vegum félagsins. Mánudaginn 31. ágúst ræđir Law þađ sem hann kallar Believing bullshit á Kex hosteli Skúlagötu 28 kl. 20.
Miđvikudaginn 2. september kl.17 í stofu HT104 á Háskólatorgi, flytur hann erindi sem kallast The war for children’s mind.
Auk þess mun Law hitta háskólakennara og nemendur á meðan á dvöl hans stendur.
Stephen Law er heimspekingur og rithöfundur. Á međal bóka sem hann hefur gefiđ út eru Believing Bullshit, The Philosophy Gym, The Great philosophers, A very short Introduction to Humanism, The War for Children´s Mind. Hann hefur einnig skrifað bækur sem höfða til barna og unglinga s.s. The philosophy Gym, The Philosophy Files og The Outer Limits. Hann ritstýrir einnig tímaritinu Think: Philosophy for everyone. Hann hefur birt fjölda greina og í síðasta hefti Hugar Tímariti Félags áhugamanna um heimspeki birtist grein eftir hann um heimspekinginn Immanúel Kant í þýðingu Gunnars Ragnarssonar.
Allir eru velkomnir á þessa viðburði.
Stephen Law fyrir miðju á alþjóðaþingi International Humanist and Ethical Union í ágúst 2014.
Nánar um Stephen Law:
http://journals.cambridge.org/repo_A72V8TEm
http://www.centerforinquiry.net/blogs/blibnblob
http://www.closertotruth.com/contributor/stephen-law/profile
Í borginni Nice í Frakklandi fann ég dágott úrval af heimspekibókum fyrir börn og unglinga. Reyndar tel ég þessi rit ekki síđur eiga erindi viđ fullorđna enda kveikja þau og varpa fram fjölmörgum spurningum sem vert er ađ glíma viđ óháđ aldri. Bækurnar sem ég keypti eru flestar þematengdar eins og titlarnir gefa til kynna: La nature et la pollution (Náttúra og mengun). La chance et la malchance (Heppni og óheppni) Les garçons et les filles (Strákar og stelpur) Qui suis je (Hver er ég?) Les questions des petits sur la mort (Spurningar barna um dauđann) L’ aventure de la pensée (Ævintýri hugsunarinnar) Spennandi lestur framundan međ tilheyrandi heilabrotum. JB
Sísyfos heimspekismiðja 