heimspekismiðja

Archive for desember, 2013|Monthly archive page

Sísyfos á Facebook

In Uncategorized on desember 16, 2013 at 4:40 e.h.

Nú er Sísyfos heimspekismiðja líka á Facebook þar sem vakin verður athygli á ýmsu áhugaverðu sem tengist heimspekinni.

https://www.facebook.com/heimspekismidja

 

Auglýsingar

Hefur þú áhuga á heimspekikennslu? Viltu kenna á námskeiðum Siðmenntar?

In Uncategorized on desember 10, 2013 at 8:34 e.h.

IMG_1808Siðmennt félag siðrænna húmanista á Íslandi vill gjarnan fá áhugasama heimspekikennara í lið með sér til þess að koma að fermingarfræðslu  borgaralegrar fermingar.

Borgaraleg ferming er valkostur fyrir öll ungmenni sem eru t.d. ekki reiðubúin til þess að strengja trúarheit en vilja samt halda upp á unglingsárin eins og algengt er í mörgum samfélögum. Flest ungmenni sem taka þátt í borgaralegri fermingu eiga foreldra sem aðhyllast engin trúarbrögð.

Markmið fermingarnámskeiðanna er að efla með ungu fólki heilbrigð og farsæl viðhorf til lífsins, þjálfa gagnrýna hugsun og siðferðilega ábyrgðarkennd. Með gagnrýninni hugsun að vopni fá þátttakendur að takast á við ýmis viðfangsefni s.s. ýmis siðferðileg álitamál, að vera unglingur í auglýsingasamfélagi, hverju getur maður trúað? Um hamingjuna og tilgang lífsins, mannleg samskipti, mannréttindi ofl.

Siðmennt félag siðrænna húmanista var stofnað árið 1990 og á aðild að alþjóðasamtökunum International humanist and ethical union.  Siðmennt er skráð lífsskoðunarfélag hjá Þjóðskrá og hefur sömu skyldur og réttindi og trúfélög. Siðfræði og þekkingarfræði eru á meðal viðfangsefna félagsins og í alþjóðahreyfingu húmanista starfar fjöldi þekktra heimspekinga og fræðimanna og eru þar einna þekktastir Peter Singer og Richard Dawkins.

 

Vegna mikils þátttakendafjölda í ár óskar Siðmennt eftir að fá til liðs við sig áhugasama heimspekikennara sem koma munu að fermingarnámskeiðunum.

 

Hæfniskröfur.

–       Heimspekimenntun og reynsla af kennslu í heimspeki eða mikinn áhuga á heimspekikennslu.

–       Geta sinnt fjölbreyttum hópi ungmenna í kennslustundum.

–       Aðhyllast húmanísk lífsgildi (http://sidmennt.is/yfirlit-sidmennt/ert-thu-humanisti/) og æskilegt er að vera skráður félagi í Siðmennt hjá þjóðskrá.

 

Nánari upplýsingar veitir Jóhann Björnsson johann@sidmennt.is  gsm 8449211. http://sidmennt.is

 

Umsóknarfrestur er til 23. desember og sendist umsóknir til Jóhanns Björnssonar á netfangið johann@sidmennt.is

%d bloggurum líkar þetta: