heimspekismiðja

Archive for the ‘Uncategorized’ Category

Dagur heimspekinnar

In Uncategorized on nóvember 18, 2016 at 8:26 e.h.

Dagur heimspekinnar var haldinn hátíđlegur 17.11 í Réttarholtsskóla eins og gert hefur veriđ undanfarin ár. Nemendur gáfu sér tíma til ađ semja heimspekilegar spurningar sem hafđar voru til sýnis á göngum skólans.

Auglýsingar

Rætt um tjáningarfrelsi og skólastarf

In Uncategorized on október 16, 2016 at 11:00 f.h.

Laugardaginn 1. okt s.l. var haldið málþing á Akureyri um tjáningarfrelsi og skólastarf, Á maður að segja allt sem maður má segja? Það var Siðmennt sem stóð fyrir málþinginu og voru frummælendur þau Jóhann Björnsson, Sigurður Kristinsson og Sigrún Sveinbjörnsdóttir. Málþinginu stýrði Sigrún Stefánsdóttir.

 

Rætt heimspekilega um málefni flóttamanna

In Uncategorized on júní 3, 2016 at 8:57 f.h.

Ræddi nýverið málefni flóttamanna útfrá sjónarhorni heimspeki og siðfræði á fundi norrænna framkvæmdastjóra félagslegs húsnæðis. Áhugaverðar pælingar komu fram eins og búast mátti við þegar áhugavert viðfangsefni er tekið til skoðunar.

Hér má sjá nokkrar af þeim glærum sem notaðar voru en ljósmyndirnar tók ég sjálfur. /JB

Slide01

Slide02

Slide07

Slide10

Hvað er málið með Almar og kassann?

In Uncategorized on desember 4, 2015 at 3:24 e.h.

Heimspekinemar í 10. bekk við Réttarholtsskóla skoðuðu Almar og kassamálið heimspekilega í morgun. Almar var á skjánum og lagt var upp með spurninguna: Hvað er málið?

Ýmsar spurningar, sjónarhorn, túlkanir og pælingar komu upp. Hér koma nokkur dæmi úr tímanum:

  • Málið er að hann er að sýna hvernig dýrum líður.
  • Hlýtur hann ekki að vera með hrikalega innilokunarkennd og er ekki vond lykt þarna?
  • Hann nennir kannski ekki að sækja börnin.
  • Þetta á að vera um það hvernig við komum fram við náungann, en það væri hægt að koma því betur til skila, frekar en að vera nakinn í kassa. Hann er bara að sækjast eftir athygli.
  • Af hverju myndi fólk hafa áhuga á að horfa á nakinn „dúdda“ í kassa?
  • Er einhver merking á bakvið þetta sem bara hann skilur?
  • Er það sanngjarnt að hann búist við því að einhverjir kaupi handa honum mat?
  • Hann er að þessu sem verkefni í Listaháskólanum. Er hann að reyna að sleppa við að læra í viku?
  • Málið er að hann heldur að þetta sé list.
  • Af hverju þarf hann að vera nakinn?
  • Þetta er verkefni þar sem hann þarf ekki að gera neitt nema chilla í viku.
  • Kannski var mamma hans reið út í hann og hann þorði ekki heim þannig að hann lokaði sig inni í kassa þar sem hún nær honum ekki. Einhverskonar Emil í Kattholti aðferð.
  • Hann er að breyta ásjónu okkar á veruleikanum.
  • Hann er að fá athygli.
  • Hann er að vekja athygli á neyslumenningunni, enda sýnir ruslið inni hjá honum smækkaða mynd af neyslusamfélaginu.
  • Hann er að virkja hugsun fólks.
  • almar-300x160
  • Eitt af þvísem barst í tal var það hvers vegna virðist svona mikill áhugi á því þegar hann hefur hægðir í ljósi þess að flestir hafa hægðir að minnsta kosti einu sinni á sólarhring, sbr:
  • http://www.visir.is/myndlistarneminn-kukadi-i-kassanum/article/2015151139899

Hvað vita heimspekingar um kynjamál?

In Uncategorized on nóvember 1, 2015 at 1:00 e.h.

Á vefritinu knuz.is birtist greinin Reiðilestur eða rökræður?… eða hvað vita heimspekingar um kynjamál?

Greinin má nálgast á eftirfarandi slóð:

https://knuz.wordpress.com/2015/10/29/reidilestur-eda-rokraedur-eda-hvad-vita-heimspekingar-um-kynjamal/

 

Fjölbreytt útgáfa heimspekirita handa nemendum og almenningi

In Uncategorized on október 20, 2015 at 5:07 e.h.

20150917_155032Smátt og smátt hefur útgáfa heimspekirita á íslensku fyrir nemendur og almenning verið að aukast. Frá hausti 2012 hefur Sísyfos heimspekismiðja átt þátt í útgáfu fjögurra heimspekibóka sem eru:

Eru allir öðruvísi? Fjölmenning og heimspeki.

68 æfingar í heimspeki. Námsgagnastofnun gaf út sem vefbók sem nálgast má á eftirfarandi slóð:

http://vefir.nams.is/flettibaekur/namsefni/68_aefingar/

Ef þú óskar þess að fá hest í afmælisgjöf og færð flóðhest, hefur þá óskin ræst? …. og fleiri heimspekilegar pælingar handa hverjum sem er.

Erum við öll jöfn? Kynjamál og heimspeki.

Á myndinni má einni sjá ritið Það er auðveldara að kljúfa atóm heldur en fordóma sem er hugsað sem námsefni um fjölmenningu handa efri bekkjum grunnskóla og framhaldsskólum og nálgast má á vef mannréttindaskrifstofu Reykjavíkur:

http://reykjavik.is/sites/default/files/thad_er_audveldara_ad_kljufa_atom_heldur_en_fordoma.pdf

Bækurnar Eru allir öðruvísi? og Erum við öll jöfn? fást í bókaverslunum Eymundsson og Máli og menningu. Ef til vill eru örfá eintök eftir af bókinni Ef þú óskar þess að fá hest í afmælisgjöf og færð flóðhest…. til hjá Iðu í Lækjargötu og Vesturgötu.

Ýmislegt fleira er í vinnslu og væntanlegt á næstu árum í þessum flokki sem oft kallast hversdagsheimspeki / heimspeki handa almenningi (e. popular philosophy).

Til að fá nánari upplýsingar má senda póst á netfangið johannbjo@gmail.com.

Sókrates í Borgarleikhúsinu

In Uncategorized on október 3, 2015 at 10:22 f.h.

20151003_100827

Leikritið um Síðustu stundir Sókratesar var frumsýnt nýverið. Þetta er frábært framtak hjá Borgarleikhúsinu sem ber að fagna, ekki síst vegna þess að á Íslandi er heimspeki lítt þekkt grein. Heimspekin kemur ekki víða við sögu í skólum landsins og í opinberu lífi eru málin sjaldan tekin heimspekilegum tökum, þó oft sé fullþörf á því. Borgarleikhúsið hefur hér stigið mikilvægt skref í að kynna heimspekinginn Sókrates fyrir þjóðinni. Í leikskrá verksins geta áhugasamir svo lesið sér enn frekar til um þetta ólíkindatól sem Sókrates svo sannarlega var.

Verkið fær fínan dóm í Fréttablaðinu 3. október, en þar segir m.a.:

Sókrates er engu lík og leikhúsaðdáendur ættu ekki að láta þessa grátbroslegu trúðaóperu fram hjá sér fara.

 

Bókin Erum viđ öll jöfn? Kynjamál og heimspeki komin í fleiri bókaverslanir

In Uncategorized on september 13, 2015 at 9:38 e.h.

Nú er bókin Erum við öll jöfn? Kynjamál og heimspeki komin í bókabúðir Eymundsson um land allt. Áður var hún komin í sölu í Bókabúð Máls og menningar við Laugaveg. Bókina má engu síður panta beint frá útgefanda með því að senda póst á netfangið johannbjo@gmail.com eða hringja í síma 8449211. Ef bókin er pöntuð beint frá útgefanda kostar hún kr. 2500-

20150913_152802

Erum við öll jöfn? komin í Bókabúð Máls og menningar

In Uncategorized on september 4, 2015 at 5:51 e.h.

Erum við öll jöfn? bók um kynjamál og heimspeki er nú fáanleg í Bókabúð Máls og menningar við Laugaveg. Bókin er á leið í fleiri bókaverslanir á næstu dögum. Hana má engu að síður panta beint frá útgefanda í síma 8449211 eða með því að senda póst á netfangið johannbjo@gmail.com.

SCN_0006

Ný heimspekibók var að koma út: Erum við öll jöfn? Kynjamál og heimspeki

In Uncategorized on ágúst 29, 2015 at 9:38 f.h.

Út var að koma bókin Erum við öll jöfn? Kynjamál og heimspeki. Í bókinni er fjallað um ýmsa þætti kynjamála með heimspekilegum hætti. Í bókinni má finna kveikjur að heimspekilegum samræðum um kynjamál handa fólki á öllum aldri, börnum, unglingum og fullorðnum. Einnig eru tillögur að notkunarmöguleikum. Höfundur texta er Jóhann Björnsson og um myndskreytingar sá Björn Jóhannsson. Bókin fæst í bókaverslunum Eymundsson og Máls og menningar, en hana má einnig panta með því að senda póst á netfangið johannbjo@gmail.com. Verð (ef pantað er): kr. 2500-
bókin er 47 bls. Útgefandi Sísyfos heimspekismiðja. Mögulegt er að fá kynningu frá höfundi á því hvernig nálgast megi kynjamálin með aðferðum heimspekinnar.

Untitled

%d bloggurum líkar þetta: